2025

Qahirədə “Yaşıl Dünya Naminə: Azərbaycan və davamlılıq mədəniyyəti” kitabının təqdimatı keçirilib

Misirin paytaxtı Qahirədə “Discover Azerbaijan!” (“Azərbaycanı kəşf et!”) layihəsinin rəhbəri Dr. Sədaqət Əliəşrəfin təşəbbüsü ilə “Yaşıl Dünya Naminə: Azərbaycan və davamlılıq mədəniyyəti” kitabının təqdimatı keçirilib.

SOİC Kinematoqrafiya Akademiyasında baş tutan mərasimdə Dr. Sədaqət Əliəşrəf qonaqları salamlayaraq, 2020-ci ildən Misirdə start verilən “Azərbaycanı kəşf et!” layihəsi haqqında məlumat verib, bu il görülən bütün işlərin layihənin 5 illik yubileyi çərçivəsində keçirildiyini vurğulayıb.

https://x.com/DiasporaAz/status/1912486003295613164

Bildirilib ki, müsabiqənin keçirilməsində məqsədin Azərbaycan mədəniyyətini və tarixi zənginliyini tanıtmaqdır. Layihənin şərtlərinə əsasən, yerli sakinlər ölkəmizə aid rəsm əsəri, qısa film çəkməli, şeir yazmalı və Azərbaycan dilində şeir ifa etməlidir. Azərbaycan mədəniyyətini daha geniş auditoriyaya çatdırmaq məqsədilə bu cür tədbirlərin davamlı olacağı xüsusilə qeyd edilib.

https://x.com/DiasporaAz/status/1912486003295613164

Tədbirdə Azərbaycanın Misirdəki səfirliyinin əməkdaşı, “Misir Media”nın təmsilçisi Dr. Dalia Fauzi, təhsil məsələləri üzrə sahibkar, “Meta Way LLC”-nin təsisçisi, “MIE Azerbaijan”ın direktoru, beynəlxalq elm və təhsil layihələri mütəxəssisi Mehriban Məlikova, Cahangir Cahangirli, Dr. İrfan Ali, sahibkarlar Coşqun Hacıyev və Hişəm Sobhi, “Miras” Tatar-Ərəb Cəmiyyətin üzvləri və rəhbəri Ramil Qaripov, Gənc Alimlər Cəmiyyətinin sədri Dr. Heba Mahmud, “Aləm Fən Mutlak” İncəsənət Cəmiyyətinin sədri Vəfa Abdin, “Azərbaycanı kəşf et!” layihəsinin qalibləri və digər ictimai fəallar, dəvətli qonaqlar iştirak ediblər.

https://x.com/DiasporaAz/status/1912486003295613164

Qeyd edək ki, 4 hissədən ibarət olan kitabda Azərbaycanın dostlarının ürək sözləri, Bakı şəhərində keçirilmiş COP29, Azərbaycan və davamlılıq mədəniyyəti, “Azərbaycanı kəşf et!” layihəsinin misirli qalibləri haqqında məlumatlar və onların əl işləri öz əksini tapıb. Kitabın müəllifləri isə Ərəb Ölkələrində Yaşayan Azərbaycanlıların Koordinasiya Şurasının Misir üzrə koordinatoru Səbinə Səmədova və ICESCO-nun gənc sülh səfiri Sandi Salemdir.

Foto qalereya

https://x.com/DiasporaAz/status/1912486003295613164

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/qahirede-quot-yasil-dunya-namine-azerbaycan-ve-davamliliq-medeniyyeti-quot-kitabinin-teqdimati-kecirilib-5730

https://x.com/DiasporaAz/status/1912486003295613164